Piştgirîya Derûn-Civakî

0
54

BANGAZIYA XEBATA DERÛN-CIVAKÎ BI KURDÎ YA ÎNÎSÎYATÎVA DERUNNASÊN MEZOPOTAMYA YÊ

Em wek înîsîyatîva Der-Mez ê, di van rojên şewba Covîd-19 de girîngiyê didin parastina derûnîya kesan û derûnîya civakê.

Li gor vê prensîba Der-Mez ê ”Di serî de xabata derûn-civakî, perwerde, tenduristî û hemû xizmetên gelemperî divê bi zimanê zikmakî pêk werîn”
Ji vê prensîba Der-Mez ê me dest bi xebata derûn-civakî ya bi Kurdî kiriye, em giringiyê didin vê xebatê, em hêvî û daxwaz dikin ku kesên karên derunnasîyê dikin tevlî me bibin.

Ji bo xebata derûn-civakî ya bi Kurdî;
Di bernameya me ya li ser internetê , em plan dikin, berê, dilxwazên ku di vê xebatê de cîh bigrin kom bikin.Dûre , perwerde ya ‘alîkarîya ewilî ya derûnî û perwerde ya derûnîyê’ , ji bo dilxwazan em plan dikin. Berya ku em dest bi vê xebatê bikin, em perwerdeya bingehîn ya piştgirîya derûn-civakî dixwazin pêk werînin.

Ji bo vê xebatê emê formên standart ji bo dilxazan amade bikin û hemu metaryala bi dilxwazan re parve bikin.

Berya ku ev xebat destpê bike, ji bo piştgirîya derûn-civakî ya bi Kurdî,wê gruba dilxazan di nav xwe de xebata amadekariyê pêk bînin.

Wê bingeha xebata me li gor şert û mercên dilxwazan pêk were….

*Ji Kurdîya xwe netirse! Tu çiqasî zanibê hewqasî binivîse.

RÊGEZ

Xal 1:Derunnasên Mezopotamyayê rêxistiniyeke pîşeyî ye.Ji xwendekar û derunnasan pêk tê.
Xal 2:Cudatiyê nake navbera ziman,netew,reng,zayend,nasnama zayendî ,fikrên sîyasî,ol û mezheban.Dixwaze desteka psîkososyal bide.
Xal 3:Ji bo jîyaneke birûmet û aştîyane li hemberî şer dixwaze daneyên pîşeyî hilberîne û ji bo aşitîyeke mayînde bikarbîne.
Xal 4:Ji bo ku demokrasî bi hemû sazî û dezgehên xwe cîh bibe li hemberî emperyalîzmê serxwebûnê, li hemberî zilm û zordarîyê azadiyê, li hemberî nijadperestî û şovenîzmê wekhevî û azadiya gelan diparêze.
Xal 5:Li ser bingeha hevgirtin û wekheviyê, di çarçoveya rêgezên etîk ên pîşeyî de, li aliyê beşên civakî yên ku nasnameya wan tê înkarkirin,pişaftin ,çewsandin û rastî zilmê tên,cih digre
Xal 6:Newekheviya ku di encama her cure cûdatî,pêşdarazî û zordariyê de derdikeve holê, red dike.
Xal 7:Di serî de li kargehan û hemû qadên jiyanê li hemberî cûdatiya zayendî derdikeve û wekheviya zayendî û nûnertiya wekhev diparêze
Xal 8:Ji bo tenduristiya manewî jiyaneke ekolojîk esas digre û di heman demê de lêxwedîderketina çand û dîrokê diparêze
Xal 9:Li dijî pişaftinê azadî,cihêrengî û pirrengiyê diparêze
Xal 10:Ji bo kapîtalîzm derunnasîyê wekî amûreke mêtingerîyê bikarneyne xebatan dimeşîne û ji bo civakeke azad plan û bernama amade dike.
Xal 11:Di serî de desteka psîkososyal,tenduristî û perwerde û hemû xizmetên ku tên dayîn de zimanê zikmakî esas digre û diparêze
—-

VENGDAYÎŞÊ XEBATA PSÎKO-CIVAKÎ Bİ KURDKÎ YA ÎNÎSÎYATÎFA DERUNNASÊN (PSÎKOLOGÊN) MEZOPOTAMYA

Ma sey înîsîyatîfa Der-Mez (Derunnasên Mezopotamya-Psîkologên Mezopotamya)’ê, nê rojê janê Covîd-19 de girîngî danî pavitişê psîkolojîya merdiman û psîkolojîya civakê.
Goreyê na prensîbê Der-Mez’ê ‘’Ewîl de xebata psîko-civakî, perwede, weşîye û pêro xizmetên umûmî gere pê ziwanê dadîyê bêro îdame kerdene.’’
Na prensîbê Der-Mez’ê ma destpêkerdo xebata psîko-civakî ya bi kurdkî. Ma hevî kenî û wazenî ê kesî ke xebata psîkolojî kenî wa ma de têkilîyê ronî û paşt bidî ma.

Seba xebata psîko-civakî ya kirdkî
-Babetanê ‘’hetkarîya destpêk a psîkolojîk’’, ‘’psîko-perwerdehî’’, ‘’paştdayîşê xebatkaran’’ û ‘’xebata psîko-civakî de bingeyê etîkî’’ de pey têkilîyê online ma zerrîwazanê ra na xebatê da bixebitîye.
-Na xebate de ma seba zerrîwazanê formê standart hedire bikî û hevce bibo pêro meteryalê xo ma zerrîwazanê xo de pare bikî.
-Destpêka xebate ra ver miyanê grubê de seba paştdayîşê psîko-civakî ya kirdkî ma ceribnayîşî virazî.
-Bingeha nê xebatê, goreyê şert û mercên zerrîwazan yena viraştene.

*Kurdkî ra meterse! Ti çend zanî hende xeber bidi û binuse.

Prensîbê Der-Mez

1: Der-Mez rêxistineyeke gureyî ya. Der-Mez wendekarî psîkolojîyê û psîkologanî ra yeno meydan.
2: Cîyayîye nêfînenî mîyanê ziwan, netewe, reng, zayend, nasname zayendî, fikre sîyasî, dîn û mezhep. Mexsed, pêrunên ra paştdayîşê psîko-civakîya.
3: Seba ciwîyayîşa birûmet û aştîyê, hemverê şer de vazenî berardişê zanayê gureyî û seba aştîya qayîm hetkarîyê bikî.
4: Seba ke demokrasi pêro sazgeh û dezgehê xo de ca bigero li hemverê emperyalizm de xoserîyê, li hemverê zor û zordarî de azadî, li hemverê nîjadperetî û şovenîzm de seyyewbînanîye û azadîya şaran pawenî.
5: Li ser bingeya piştîyayewbînangirewtiş û seyyewbînanîye, di çarçoweya etîk ê gureyî de, li hetê beşa civakî ê ki nasnameyê înan yenî înkarkerdiş, asîmîlasyonî, teda û raştê zilmê yenî, ca genî.
6: Cîyakerdişê her bêjî, verhukmî û zorîyê û teda ke vejîyeno meydan red kenî.
7: Her cayê ciwîyayîşê de li hemverê cîyabiyayîşê zayendî de vindenî û seyyewbînayê zayendî û seyyewbînayê temsil pawenî.
8: Seba weşîya ruhî, ciwîyayîşa ekolojîk esas genî û wayîrvejîyayîşê tarîx û kultur pavenî.
9: Li hemverê asmîmîlasyonê de; azadî, bêjrengî, pirrengî û zafrengî pawenî.
10: Kapîtalîzim, cîya-cîya otorîteyî û îqtîdarî; zanistê psîkolojî seba kedwerdişî şarî xebitnenî. Nê kedwerdişî qebul nêkenî û hemverê nê kedwerdişî de polîtîkayan virazenî.
11: Vernî de hetkarîyê psîko-civakî, weşîye û perwerde û pêro xizmetî ke yenî dayiş gere ziwanê dadîyê esas bigerî û nê fikir bipawî.

Bersivê bidin şîroveyê

Ji kerema xwe şîroveya xwe binivîsin!
Ji kerema xwe navê xwe li vir binivîsin