Wekî tê zanîn axa Mezopotamyayê axeke pîroz e
û şaristanî li vir dest pê kiriye. Cara yekem çandinî li vir çêbûye dan
û standin û jiyana civakî li vir dest pê kiriye. Ji
ber vê yekê mixabin şerên herî mezin jî li ser vê axa qedîm çêbûne.
Ji xeynî şer li ser vê axê pergala mêtingeriyê ango
kapîtalîzm tiştên cuda yan tune dike yan jî  wekî meta digre dest
û bi feraseta karkirinê nêzîk dibe. Bi vî rengî qîmeta wan jî kêm dike
yan jî ji holê radike. Di serî de gelê kurd û hemû gelên ku li
ser axa Mezopotamyayê dijîn di encama van şeran
û dagirkirinan an hatin înkarkirin an rastî pêkutiyan hatin û nasnameya wan
ji wan hat girtin an jî hatin qetilkirin. Ev zilma ku li van
gelan hatine kirin bala gelek beşên zanistî kişandiye
lê mixabin ji hêla beşa
derûnnasiyê ve hîn lêkolîneke têra xwe nehatiye kirin û
ev texrîbat her alî ve nehatiye tespîtkirin. Xebatên ku hatine kirin jî zêdetir bi
feraseteke desthilatdarî hatiye kirin.
Em wekî  derûnnasên  ku  li ser vê axa qedîm dijîn ji bo ku bi perspektîfeke
rexnegir encama texrîbata  şer û dagirkeriya
li Kurdistanê derxînin holê û texrîbata derûnî  derman bikin hatin cem hev.
Berpirsiyaraku divê em dengê xwe bilind bikin, dîrok, nasname, kesayetî û
zimanê xwe xwedî derkevin û êrîşên fizîkî, civakî, çandî û derûnî eşkere
bikin û gelê xwe di vî warî de agahdar bikin em anîn ba hev. Helbet di
derûnnasiyê de pêvayoja pişaftinê, nasname, şer, newekhevî, zimanê
zikmakî û hwd nav mijarên sereke de ne û em tevî xwendina wan rasterast
bi tecrûbekirina van terman bawerin ku lê hûr bûne. Em di wexteke ku dîsa
Kurdistan bi destê dagirker bi şereke dijwar dihate wêrankirin, Sermaweza
2015a li Amedê gihan hev. Ji wî çaxî heya neha ji bajarên cuda
bi derûnnasên ku di  li bi nerîneke rexneyî nêzî serdestiyê dibin û hewl didin
li hemberî zilm û zordariya li welat tê kirin bisekinin
li ser navê Derunnasên Mezopotamyayê xebatên xwe dimeşînin.
Em feraseta derûnnasiyê ya ku pirsgirêkên civakê ji
xwe re nake xem û bi awayeki elîtîst nêzîk dibe qebûl nakin û napejirînin.
Em çareserkirina pirsgirêkên civakê ji xwe re dikin armanc.
Di vê çarçoveyê de em dixwazin derûnnasiyê bi
zimanê zikmakî ji nû ve binirxînin û ji bo hemû gelên
Mezopotamyayê bikin zanisteke kêrhatî. Em dixwazin
manuplasyonên derûnî yên ku li hember gelê me tên kirin derxînin holê.
Em dixwazin travmayên ku di encama polîtîkayên şer
û dagirkeriyê derketine holê derman bikin û ji
bo travmayên nû çênebin gelê xwe hişyar û agahdar bikin. Di
vî derbarî de em bi saziyên me yên  din
re xebateke hevpar  û kollektîf girîng dibînin û esas digrin.

Em wekî  Derûnnasên Mezopotamyayê ji vir pê ve li ser  vê
axê neheqiya ku di serî de
li hemberî zarok û jinan tên kirin, hemû neheqiyan ji xwe re dikin xem.
Heya ku  ev neheqî û zilm ji holê rabin, ji bo jiyaneke polîtîk-ehlaqî  em
ê bixebitin, tê bikoşin û ber xwe bidin.

Rê û rêbazên înîsiyatîfa me li jêr rêzkirî ne:

Xal 1:Derûnnasên Mezopotamyayê rêxistineke pîşeyî ye.
Ji xwendekar û derûnnasan pêk tê.
Xal 2:Cudatiyê nake navbera
ziman,netew,reng,zayend,nasnama zayendî ,fikrên siyasî,ol û mezheban.
Dixwaze piştgiriya derûncivakî bide.
Xal 3:Ji bo jiyaneke birûmet û aştiyane li hemberî  şer
dixwaze daneyên pîşeyî hilberîne û ji bo aşîtiyeke mayînde bi kar bîne.
Xal 4:Ji bo ku demokrasî bi hemû sazî û dezgehên xwe bi cih
bibe li hemberî emperyalîzmê serxwebûnê, li hemberî  zilm û zordariyê aza
diyê, li hemberî nijadperestî û şovenîzmê
wekhevî û azadiya gelan diparêze.
Xal 5:Li ser bingeha hevgirtin û wekheviyê, di çarçoveya
rêgezên etîk ên pîşeyî  de, li aliyê beşên civakî yên ku
nasnameya wan tê înkarkirin,pişaftin ,çewsandin û rastî zilmê tên,cih digre
Xal 6:Newekheviya ku di encama
her cure cudatî,pêşdarazî û zordariyê de derdikeve holê, red dike.
Xal 7:Di serî de li kargehan û hemû   qadên jiyanê li  hemberî cudatiya zaye
ndî derdikeve  û wekheviya zayendî û nûnertiya wekhev diparêze
Xal 8:Ji bo tenduristiya manewî  jiyaneke ekolojîk esas digre û di heman de
mê de lêxwedîderketina çand û dîrokê diparêze
Xal 9:Li dijî pişaftinê azadî,cihêrengî û pirrengiyê diparêze
Xal 10:Ji bo kapîtalîzm derûnnasiyê wekî amûreke
mêtingeriyê bikarneyne xebatan dimeşîne  û ji bo civakeke azad plan
û bernama amade dike.
Xal 11:Di serî de piştgriya derûncivakî,tenduristî,
perwerde û hemû xizmetên ku tên dayîn de zimanê zikmakî esas digre û
diparêze